بنات عز وقلبهم ماعزهم >رواية رومنسية جريئة خياليه(سعوديه) لنملة طربانه او فرفوشة

الفصل 27

ريما بصوت كلو جدية>> انس انا ابغى اقلك شي


أنس أتحمس >>ايوا


ريما >> شي ههههههههههههههه


أنس >> ههههه سويتيها فيا يادبه

وهرجه وضحك وأسرار وذكريات وكل شي دار بين انس وريما

ومر الأسبوع وريما وأنس في إنسجام وراحه واضحه ورنيم وراكان وهتون وعبد الرحمن ومروج وخالد الي مو معطيها أي اهتمام

يوم الأربعاء الساعه 8ونص صباحا

خلود واقفة قدام المراية تصلح شعرها ولابسة بنطلون جينز زيتي وبدي لف حولين الرقبة لونو أصفر ورافع شعرها ونازلو منو خصل على شعرها وهيا تغني أغنية ميامي

الليلة غير الليالي والله ياهنيالي الليلة
الليلة انا وهوا هنا وايدي في يدينه

قاطعها صوت نور الي كلو نوم >>خلود الهم ابغى انام اسكتي

خلود تجري على سرير نوارا وترفع الغطى عنها >> نوووووووووور اليوم عيد كيف تنامي

نور وحواجبها 111 >>عيد في عينك احنا في شهر8 أي عيد هذا

خلود >> اليوم الربوع يعني حمود نازلي السعودية وطالعين المطار

نوارا مبتسمه>>صح اليوم اهمد جاي

خلود >> يلا قومي عشان نروح نستقبلو من المطار

راحت خلود جناح هتون وشهد

شهد نايمة وهتون تتكلم جوال
عبد الرحمن >> طب احبك

هتون وهيا تلعب بشعرها >>لا ياشيخ من جد صدقتك

عبد الرحمن >> والله من جد ترى ياهتون

هتون >> ام طيب متى راح اشوفك

عبد الرحمن >> دحين لو تبغيني أجيكي

هتون >>ههههههههههههه لايامجنون مو دحين

عبد الرحمن >> هتون في موضوع ابغى اقول لكي

هتون >> ايش قول

عبد الرحمن >> لامو دحين في الليل دحين بقوم البس عشان العمل

هتون >>اوكي...... تعال قولي كيف أنس

عبد الرحمن >> عمري ماشفتو مبسوط ومرتاح زي الأيام دي ترى مرة يحب ريما

هتون >> ايوا لايفكر يسوي شي والله لا اقتلو

عبد الرحمن >> مسكينه يموت فيها
هتون >> مصرع تو يعرفها

عبد الرحمن >> يقول احس اني اعرفها من زماااااااااااااااااان ياستي الله يهنيهم

هتون >> عقبالنا

عبدالرحمن >> حرام عليك والله احبك المهم د لوعتي انا لما أرجع اكلمك انتهي لنفسك

هتون >> اوكي وانا اموت فيك

عبد الرحمن >> بس

هتون >> اموووووووووووووووووووووووووواه

عبد الرحمن >> يلا ياعمري باي

هتون >> باي

خلود> الله الله بوس على الرريق

هتون وهيا قايمة مفجوعه>> وجع فجعتنين من متى وانتي هنا

خلود وهيا واقف عند الباب >>> اممممممممم من وانا اموت فيك هههههههههه

هتون >> خير لولدي أيش عندك كاشخة من الصباح

خلود >> اليوم أحمد جاي من أمريكا ولا نسيتي

هتون تخبط راسها بيدها >> يووووووووة نسيت تصدقي بس تعال رحلتو توصل الساعه 10 ونص ودحين 8 ونص بدري يالعاشق الولهان

خلود ووجها محمر>> عادي بس ماجاني نوم

هتون تغمزلها >> اممممممممم طيب مابتقولي لبنات عمي

خلود >> إلا دحين بدق عليهم
شهد قمت تتثاوب >> ااااااااااااااااه صباح الخير

خلود >> صباح النور ياعجيز

شهد >> ايش عنداه لولو صاحية بدري وكاشخه

هتون >> اليوم الحب جاي من امريكا ههههههههههههه

شهد >> ايوا صح حركتتات

خلود منحرجه مررررررررررة >> هباله عادي ولد عمري اقصد ولدخالتي عادي

شهد >> بس يامطوع كول ترى كافشينك المهم دقي على بنات عمي

راحت خلود الجناح حقها عشان تدق على بنات عمها متفقين يروحو مع بعض

في جناح ريما ورنيم

ريما نايمة في سااااابع نومه أمس طول الوقت سهرانه مع أنس بس مو على الجوال لا على النت متحمسين في الهرج كانو وطول الوقت يهديها أشعار ورسايل وصور وهيا كمان

اما رنيم ماسكة الجوال جالسة تتكلم

رنيم>>>طيب انت ماقلت لي فين تشتغل

راكان ركز نفسو على الكرسي براحه >> انا أشتغل طالع عمرك مدير

رنيم >> بس بس ياكداب مدير وانت توك من أسبوعين تشتغل كيف تركب دي

راكان وإبتسامت ثقة >> مدير هذا اقل شي اشتغل في دي الشركة

رنيم >> ليش شركة أبوك

راكان >> عليكي نور شركة ابويا

رنيم >> أحلى والله أني كاشه اعرف صاحب شركات ههههههههههه

راكان >> رنيم عارفه ايش اكثر حاجه أحبها فيكي

رنيم >> ايش

راكان >> طيبة قلبك أحس أي شي حلو يفرح قلبك

رنيم بصوت طفولي >> ثح يابابا ههههههههههههه

راكان >> رنيم هاني الــــــــ؟؟؟؟
عمرك 18 سنة امك موجها في مكتب التوجيه
ساكنة في حي الــ؟؟؟ بيتكم فيلا 4 ادورا
ابوكي عندو معارض سيارات
اكبر اخواتك ريما بعدين انتي بعدين محمد 6 ابتدائي وياسر 5 سنين صح

رنيم مصدومه >> صح بس كيف عرفت الشي دا انا ماقلت لك

راكان >> وأتولدتي يوم 25-4 صح

رنيم >> بسم الله كيف عرفت من جد راكان

راكان >> هههه انا راكان لو ابغا اعرف ايش تفكري دحين اجيب

رنيم >> امممم ماشاء الله كم جني مخاوي هههههههههههههه

راكان >> كثييييييييييييييييييييرههههههههههههههه

رينم بصوت جدي>> راكانا انا ما ابغى اخاف منك ولاتسير غامض

راكان رفع نفسو من الكرسي >> لايارنيم من جد انا أحبك بليز لاتخليني

رنيم بصدمه >> تحبني بس انا مالي معاك غير شهر تقريبا

راكان >> وانا حسيت معاكي بالراحه

رنيم >> بس ياراكان نوارا بنت عمي معجبة بيك

راكان >> نوارا صغيره عليا يارنيم


(في جناح خلود )

خلود ماسكة الجوال تتصل على رنيم

خلود >> يووووووووووه ويتنج من الصباح

رنيم >> راكان لحظه معايا خط تاني بس دقايق

راكان >> اوكي

رنيم >> ها يارجى

خلود >> مرض مع مين من الصباح ويتنج مع مين يافايرة هههههههههه

رنيم >> مع الحب ههههههههههههههه

خلود >> المهم بنمر عليكم الساعه 9 ونص جهزو نفسك احمد اليوم نازل السعوديه

رنيم >> اوكي اعطي ماما خبر وارد لك بس لاتمرو احنا بنجيكم

خلود >> مو بكيفها ههههههههههه 9 نص وانتو عندنا

رنيم >> اوكي اشوف وارد لكم يلا طسي

خلود >> وجع يلا باي

رنيم >> ام سوري راكان

راكان >> لا مو مشكلة مين كان معاكي

رنيم >> مالك شغل ياملقوف ههههه

راكان >> عارف مين كنتي تكلمي

رينم >> مين

راكان >> وحده من بنات عمك

رينم >> لا من جد جني بالله كيف عرفت

راكان >> انا راكان يابرزيلية ههههههههههههه

رنيم >> راكان انت من بيت مين انا ماعرفت للحين

راكان >> مع الوقت راح تعرفي انا مين ياقمر المهم انا لازم اقفل عشان عندي شغل

رنيم >> اها تتهرب من السؤال طيب اوكي

راكان بصوت كلو ضحك >> باي يابرازيلية

رنيم بقهر عشان ماعرفت شي عنو وهوا عرف كل شي>>> باي

راكان ماسك تلفون المكتب >> الو ابو خالد لوسمحت اليوم أجتماع كلم كل الموظفين

ابو خالد >> حاضر طال عمرك


رنيم تجري على سرير ريما وتمسك جوالها بشويش وتشغل نغمة أنس

ريما المسكينة تقوم بسرعه من النوم على الجوال

رنيم >>ههههههههههههههه بس ياهبلة هذا انا

ريما وعاقده حواجبها>> غباء

رنيم >> قومي بنات عمي بيمرو علينا بعد شويا اليوم اهمد جاي من مريكا

ريما >> طيب واحنا أيش دخلنا هما ولد خالتهم لاكن احنا ايش يقربلنا

رنيم >> عشان خاطر خلود

ريما >>> قلتي لماما طيب

نكمل في البارت الجاي ان شاء الله ^ـــ^

الجزء ال28

ريما >> طيب واحنا أيش دخلنا هما ولد خالتهم لاكن احنا ايش يقربلنا



رنيم >> عشان خاطر خلود



ريما >>> قلتي لماما طيب



رنيم >> هذي عليك ياقميل



ريما >> مو انا دايما في وجه المدفع بعدي عن وجهي



قامت ريما وغسلت وجهها ورايحه عند امها في الصاله



أم ريما جالسة تفطر مع ابوهم في طاولة الطعام والأبو جالس يشرب شاهي ويشوف الجريده



ريما >> صباح الخيرات



أبو ريما قفل الجريده >> هلا بدلوعة ابوها صباح النور



أم ريما >> صباح الخير أيش عندك صاحيه



ريما >> ولا شي بس وحشتنوي قلت اقوم افطر معاكم



أم ريما وهيا تشرب الشاهي >> ريما خلصي بنات عمك فين خارجين مع الصباح دا

(تعرف لهم كويييييييييييس وتعرف ايش يبغو قبل مايتكلمو)



ريما وجهها حمر >> ههههه والله محد فاهمني غيرك ياقمر



أبو ريما >> تبغي تروحي عند بنات عمك روحي ياامي



أم ريما >> وليش هما مايجو طول النهار وانتو ناطين عندهم



ريما>>> هههههههههه حلو ناطين عجبتني لا والله ياماما بس إحنا اخف



أم ريما >> طيب لاتتأخرو لانو ام احمد مسوي حفلة بكرة عشان أحمد رجع من امريكا



ريما مسوي نفسها مي دارية >> اممم توي ادري غريبة بنات عمي ماقالو لنا



أم ريما >> بنات عمك الي بدهم يقولو يقولو



ريما >> طيب انا طالعه يلا باي



طلعت ريما لقت رنيم لابسة عبايتها وجاهزه



ريما>> رنيم خير خير لابسة وايش مخليكي واثقة انو ماما رضيت



رنيم وهيا تلف الطرحه >> عارفة انو محد يجيب راس ميمتي غيرك



ريما واقف وحاطه يدها على خصرها >> طيب اصبري انا لسة مالبست



رنيم دفت ريما على السرير وفصختها بلوزتها >> يلا يلا خالصي



ريما >> ههههههههههه الله ياخدك ياوسخه جيبي البلوزة



رنيم تجر بنطلون البجامعه >> بس الي يشوفك يقول انا أنس هااي ترى انا أختك بعدين عادي لو شفتك هههههههههه



ريما ماسكة بالبنطلون>> رنيم والله عيب بعدين انس زووووجي ههههههههه



رنيم >> بس ياعانس قال زوجي يلا خلصيني



لبسو رنيم وريما ونزلو



ام ريما >> انتي ياهبلة



ريما >> انا ياماما





ام ريما>> لا هذي التورة



رنيم تتلفت حولنينها>> مين ايت تورة



ام ريما>> انتي يارنيم ماتعرف تسلمي سبحان الله زي البقر



رنيم >> ههههههههههه انا بقرة ياماما طيب مااااااااااءء (يعني صباح الخير بس زي البقر)



ابو ريما>> رنوم عندك فلوس ياأمي



رنيم بوكها عمراااااااان >> لا ماعندي غير 100 ريال بس



ريما مفجوعه لسه قبل اسبوع اعطاهم كل وحده 700 ريال



أبو ريما >> طيب روحي جيبلي البوك حقي



ريما >> بابا أخصرها بوكها عمران



رنيم تدعس على رجل ريما>> لا والله طفرانين



أم ريما>> انت يارنيم قد الواحد مايعطيك ماعندك أخصرك منهم



أبو ريما >> خلاص لما ترجعو تلاقو الفلوس جاهزة



(في جناح هتون )



البنات كلهم مجمعين لابسين يستنو بنات عمهم



هتون >> خلود دقي على الماهبيل ترى حنتأخر



شهد >> انا بتصل على ريما



جوال ريما يتصل



عسى ربي يخليك لعيوني

عسى ربي يخليني لعيونك



ريما >> هلا شوشو



شهد >> فينكم يامرض ترى بنتأخر



ريما >> وجع خلاص خارجين مشورا الظريق



شهد >> ظريق في عينك ههههههههه يلا لاتتأخر



هتون >> فينهم



شهد >> خلاص خارجين



ريما >> سوبرمان سوبرمان



سوبرمان خارج من غرفتو وشعرو منكوش امس كان سهران مانام بدري>> ايش يبقى



ريما >> وجع روح غسل وجهك يلا بنخرج



سوبرمان >> ادو سوي صبر



رنيم >> قدامك دقيقة وتجهز



سوبرمان >> يلا روه سياره سياره متفوه



راحو ريما ورنيم السيارة لين جاهم سوبرمان وحركو على بيت عمهم



(في الشركة)



على طاولة الإجتماعات الكبيرة كان راكان جالس وبهيبة عالية وثقة جالس يتكلم

وانس وعبد الرحمن جالسين مستمعين لكلام صاحب الشركة



راكان >> وهذي الأساسيات الي لازم نتبعها في الشركة



أبو خالد >> بس طال عمرك كده حنخصر كثير



راكان >> ابو خالد انا هنا أأمر وانتو تنفذو



أنس >> بس كده حيسير عندنا عجز في المبيعات طال عمرك



راكان >> انس انا سبق وقلت انو انت أخر واحد تتكلم في دي الشركة مفهوم



أنس >> لا راح أتكلم هذا عملي والمبيعات قسمي لو سار عندنا عجز حتخصر الشركة



مؤيد واحد نذل وحقير سالمتكم اهم شي عندو يخسر ابو راكان >> طال عمرك الموضوع درسنا وارباحو حتكون قيايسية وفي وقت سريع



أنس يحس انو مؤيد عندو غاية من هذي الحركة >> استاذ مؤيد الجدول حق الدراسة الي قدموت مو مطابق للي راح ننفذو



راكان >> أنس انتهى الأجتماع أتفضل وبعد ساعه ترجع لي تاني



أنس خرج متنرفز وخرج ورى عبد الرحمن



عبد الرحمن >> أنس أنا قلت لك مالك شغل



أنس >> بس كده حيسير عندنا عجز



عبد الرحمن>> شركة أبو مالنا دخل ولا تنسى ياأنس انو أبو وزير يعني مسنود



(وزير يعني راكان ولد الوزير الله يعينك يارينم على الصدمة الي راح تاكلها)



أنس > انا بعد ساعه راح ارجع اكلمو واقنعو انو دراست الجدول غلط





(في حوش فيلا ابو هتون)



رينم >> يلا بنطلع مع سوبرمان



خلود > لا يارنيم راح نطلع بسيارتنا عشان تكفينا كلنا



طلعو البنات كلهم بسيارة أبو هتون جمس أخر موديل وطبعا المسجل على أعلى صوت واغاني ورقص ودجه من الي يحبها قلبهم وخلود في عالم تاني مهي مصدقه انها راح تشوف احمد جبيبي قبلها

نوارا>> سبايدر مان أرفع الصوت



سبايدرمان>> نوارا هدا أعلى شي



واغنية

عباس ابراهيم مالية السيارة



منت فاهم يا غلى مين مر بعيوني

عشاق سلم أمره للغرام شفت فيك

العمر ياقلب الحنون من عرفتك وانا عايش في هيام





(في الشركة)



راكان جالس لوحدو مع أبوخالد في طاولة الإجتماع



راكان >> ابو خالد ناديلي الموظف انس لو تكرمت



ابو خالد >> ليش طال عمرك



راكان وهوا يولع السيجارة >> ابو خالد نفذ وانت ساكت



ابو خالد >> حاضر طال عمرك



خرج ابو خالد على مكتبو وأتصل على أنس عشان يجي عند راكان



وعند باب مكتب راكان كان ابو خالد واقف ينتظر وجا أنس



أبو خالد مسك يد أنس >>انس انت مين قالك تتكلم



أنس >> أبو خالد أنت تعرف انو أنا ما اسكت على شي غلط



ابو خالد >> مالنا شغل أحنا هنا ننفذ وبس



أنس >> بس هذا شغلنا



أبو خالد >> الله يكون في عونك راكان يبغاك



أنس >> ربنا هوا الي عالم بنيتي



دق أنس الباب على راكان



راكان >> أتفضل



ياترى أيش راح يسير مع أنس معقول يفصل انس عشان اجنبي وماعندو ظهر كل دا راح نعرفو في البارت الجاي

الجزء ال29



دق أنس الباب على راكان



راكان >> أتفضل



ياترى أيش راح يسير مع أنس معقول يفصل انس عشان اجنبي وماعندو ظهر



أنس واقف عند الباب >> هلا طال عمرك طلبتني



راكان وهوا ماسك القلم ويوقع على أوراق ومايطالع في أنس >> تعال أجلس يا أنس



راح أنس وجلس على الكرسي لمقابل للمكتب>> هلا طال عمرك



راكان حط القلم وطالع في أنس>> أنس انا قبل كده حزرتك بدل المرة مية مرة صح



أنس >> بس يأستاذ راكان



قاطعه راكان بصوت حاد >> أنس أنا ماخلصت كلامي ممكن أكمل



أنس سكت >> أتفضل



راكان>> قلتلك لاتتدخل في شي مايخصك وانت رجعت تتدخل وانت عارف انك أجنبي يعني لو طردتك حلني ألين تلاقي وظيفة تانية



أنس >> بس طال عمرك انا ما اسكت عن الغلط



راكان >> وانا أبغاك تسكت مفهوم يأنس



أنس >> مفهوم طال عمرك



طلع انس من مكتب راكان وهوا مجروح ومكسور ومحطم على أأأأأأأأأأأخر



في مطار جده وبالتحديد في الصاله الدولية



تعلن الخطوط الجوي العربية السعودية عن قدوم الرحلة 1488 والقادم من واشنطن



البنات كانو كلهم جالسين ينتظرو أحمد



خلود وهيا تصلح الطرحه صلحتها فوق 100 مرة >> اف متى بينزل



شهد وهيا تنفخ اللبانه >> جاي جاي لاتخافي



ريما >> بس يأمك الي يشوفك يقول زوجها مو ولد خالتها هههههههههه



اما نوارا وهتون ورنيم في عالم تاني يتفرجو على الشباب الصواريخ على قولتهم



فجاءة ومن بعيد جا ولد لابس بنطلون جينز وتيشيرت أبيض من LACOST وشعرو طويل رابطو ببكله ومافي شنب بس دقنه خفيفه



خلود قلبها سار يدق بسرعه لدرجه انو ممكن يخرج من مكانو >> شهد شهد



شهد وهيا تتكلم مع ريما >> ها خير



خلود >> شوفي احمد احمد ياناس يجنن



قامت شهد لوحت بيدها لأحمد لما شافها رفع حواجبو يعني شفتك أخذ احمد أغراضو وراح جري عند بنات خالتو مافي احد راح يسقبلو ماقال لأحد متى راح يجي بس عارفين أنو يوم الربوع

جا أحمد جري ووقف قدام شهد وعيونو كلها شوق >> كيفك شهد



البنات كلهم أنصدمو أتوقعو انو راح يجري عند خلود بس جري عند شهد



خلود وقفة مصدومه مهي مصدقة انو احمد راح لشهد اول شي



شهد بصدمه >> تمام الحمد لله



احمد وهوا يحك راسو >> اسفه بنات كيفكم



هتون >> الحمد لله على السلامه



أحمد >> الله يسلمك ؟؟ إلا صح مين فيكم خلود يأشر على ريما وخلود



خلود تاني صدمه من أحمد معقوله يعرف شهد ومايعرفها



ريما حاسه بي خلود >> انا ريما بنت عمهم (وتأشر على خلود ) هذي خلود



أحمد >>> هلا لولو كيفك



خلود قلبها دق لما قالها لولو>> الحمد لله



أحمد >> يلا شهوده نطلع بنروح على بيتنا اوكي



شهد فاتحه فمها>> .......................



أحمد >> شهوده أيشبك لايكون منتي مصدقة أنك شفتيني



شهد أنتبهت لنفسها >> لالالا مو كده بس شوي سرحت أتغيرت عن أخر مرة



أحمد>> مايقاد حتى انتي أحلويتي مرررررررررة



رينم حست إنجذاب احمد لشهد مو لإيناس >> اهمد ممكن تخلصنا من اول وانت تتغزل في شهد طيب عندك خلود شوفها تجنن



أحمد حط يدو على راس خلود >> هذي لولو دلوعتي الصغنطوطه



خلود حست برجفه مرة بكل جسمها لما حط يدو على راسها >> يلا نخرج



على خرجتهم من المطار كان سبايدر مان منتظرهم برى ركبو السيارة وأول مادخلو السيارة كان الراديو شغال وأغنية فضل شاكر



أول مابشوفك حبيبي بيصعب عليا

مش قادر أخدك في حضني واضمك شويا

علشان مش داري بشوقي ولهفت عنيا

لو حاسس بالي انا حسو لو داري الي بيجرالي

كنت حتعرف ياحبيبي انك صحيح غالي



وكملو طرقهم واحمد يحكيهم وهوا متحمس والبنات كلهم حاسين بي خلود وشهد حاسة انها السبب بس هيا ماسوت شي



(في بيت مروج وتحديدا في غرفة مروج)



مروج جالسة على النت تتصفح المنتديات دخلت ام مروج



ام مروج >> مروج ايش هادا يابنتي يانت ياتلفزيون قومي ساعديني



مروج وهيا تطالع في الاب توب >> ماما عندك الشغلات مني فاضية



أم مروج >> مروج ياهم انتي ابوك دحين بيجي من المزرعه قومي نسوي الغدا



مروج وهيا تقفل لاب تبوب>> حاضر يا ام مروج قفلنا لاب توب



أم مروج >> مروج ترى عمتك ام أيمن عازمتنا في بيتها يوم الخميس على الغدا



مروج >> اف اف من جد شي يجيب المرض ايش فيه لو رحنا بيت عمي ابو خالد



ام مروج وهيا تشد شعر مروج >> تعال يالدبه عمك وخالد جاين



مروج >> اه ياماما عورتني خلوودي جاي واوا وناسه من اليوم نروح عندها ههههههههه



أم مروج >> قومي ياخبلة قومي بس



قدام فيلاة ام احمد



وقفت سيارة سبايدر مان قدام الفيلا



سبايدرمان >> يلا اهمد إنزيل



أحمد وهوا يلف وجهو للبنات ورى>> بنات يلا انزلو نفطر سوا يلا



ريما >> لا أحمد سوري لازم نرجع البيت لانو وعدنا ماما مانتأخر



احمد >> طيب اوكي براحتك ريما ها بنات خالتي ماتطلعو معايا



خلود >> ها اوكـــ



قاطعتها شهد >> لالا احمد مرة تاينة أن شا الله



أحمد وهوا يطالع في شهد >> وعد شوشو انكم بتجو مرة تانية



شهد >> وعد



أحمد >>> يلا انتبهو لنفسكم بس توصلو كلموني على الثابت تدرو ماعندي جوال



رنيم >> احمد يلا طس



أحمد >> هههههههههه يلا باي ياقماري

****



في مكتب طلال



طلال جالس على المكتب بقلب في الأوراق الي قدامو طفششششششششششان



طلال مسك التلفون >> الو يوسف كنسلي كل المواعيد حقت اليوم



يوسف السكرتير >> بس طال عمرك الوفد الصين اليوم لازم تستقبلهم من المطار



طلال>> يوسف دبر احد من الموظفين يستقبلهم انا اليوم مالي خلق لشي



يوسف >> بس طال عمرك لازم انت بنفسك تستقلبهم



طلال >> يوسف شوف احد غيري



يوسف >> طال عمرك الولد هوا الي طالب انو انت تستقبلهم خصيصا



طلال عصب >> الوالد والوالد تراك جبتي لي المرض كنسل كل المواعيد باي



(قدام بيت ابو هتون)



سبايدر مان >> يلا يا منيات (منيات = قرود) انزل من سيارة



رنيم >> المنيات انت وشرواك



نوارا>> خير مسيو سبايدر مان تسب مرة أخذ راحتك



شهد >> يلا بنات نطلع ننام شويا الساعه 1



هتون >> ايوا ريما ورنيم أمشوا أطلعو معانا



ريما >> لا بنروح عشان ننام وبعدين بكرة خالتك مسوية حفلة وماما تقول خالتك ملززمة علينا



رنيم >> ايوا الله بروح انام



خلود>>.......................................



شهد >> لولو أيش عندك ساكته



خلود وهيا تدف ريما >> شهد ممكن تقفلي فمك لو سمحتي



هتون >> يلا يلا بنات ننزل



نزلو البنات وراحو ريما ورنيم مع سوبرمان والباقين طلعو بيتهم



ريما >> سوبرمان روح بيت



سوبرمان >> ها فين روه روح يجيب أهميد من مطار



رنيم>> اقول يالقف مو شغلك مصرع ماقالك سبايدرمان



ريما >> سوبرمان امشي وانت ساكت



رنيم >> ريما انتبهتي لأحمد مررررة رامي العفش عند شهد صح



ريما >> تصدقي اتوقعت اول ماينزل يسلم على خلود



رنيم >> مرة انقهرت لما ماعرفها وهيا ياحرام ميته علية



ريما >> محد قالها ماتقولو انها تحبو



رنيم >> من جد هوا ايش ذنبو مايعرف



سوبرمان>> مين يهب مين ؟



رنيم >> اقول يالقف مو ملاحظ انك راز فيسك في كل هرجاتنا



سوبرمان >> انا يئرف هدا كلود يهب اهمد



ريما >> بسم الله وانت ايش عرفك يالوح



سوبرمان>> انا يسمع انت كلام سواو سوا بنات ئمي انا يعرف كلو شي



ريما >> ايوا تحب احمد في مانع طال عمرك



سوبرمان >> لا مابي مانئ



رنيم >> ريما ايش تتوقعي يسير بين خلود وشهد



ريما >> الله أعلم



كملو ريما ورنيم طريقهم وهما شايلين هم بنات عمهم





في جناح خلود ونوارا



خلود بعبايتها رمت نفسها على السرير وهيا تبكي



شهد >> لولو ايشبك تبكي



خلود وهيا تبكي وتصرخ>> يعني مانتي عارفه يا أنسة شهد



شهد كانت حاسه انو احمد عمرو ماحب خلود >> خلود انا مالي دخل



خلود >> خلاص اشبعي بو يا انسة شوشو



شهد >> خلود احترمي نفسك



خلود >> شهد ممكن تطلعي برى



نوارا >> خير خلود تطردي شهد



خلود وصوتها كلو بكى>> نوارا حلي عني



نوارا>> خلود خير تتبكبكي انت شوفتي احمد وكلنا شففنا انو مهتم بشهد مو فيك



على دخلت هتون



هتون >> اتوقع يا انسة نوارا في اسلوب احسن من كده تتكلمي في مع خلود



خلود وهيا تبكي >> ممكن تطلعو برى وتسيبوني لو حدي ولا مو ممكن



هتون >> نوارا أطلعي برى



خلود >> هتون لو سمحتو كلكم اطلعو برى ابغى اجلس لوحدي



خرجت نوارا ومابقي غير هتون وخلود



هتون وهيا جالسة على سرير خلود >> لولو ممكن نتكلم شويا



خلود وهيا تبكي >> ما ابغى اطلعو برى



هتون>> خلود انا بكلم بالزوق لو ماسكتي تعرفين لما اسير تكرونية



خلود رفعت الغطا من على وجهها الي كلو دموع ومحمر من البكا >> خير خير



هتون >> انا كم مرة قلتلك قوليلو أحبك



خلود >> هتون انا أستحي اتني أكثر وحده عارفه الشي دا



هتون >> خلود انتي شوفتي بنفسك لما كان احمد ينزل السعودية اول كان طول الوقت وهوا يهرج مع شهد وانتي ساكته



خلود >> انا حبيتو من ديك الأيام



هتون >> ولما كنتي تكلمي مسن بينتيلو



خلود >> طبعا لا



هتون >> اااااه شوفتي انتي السبب خلود احمد يحب شهد من زمان وانتي بنفسك كنتي تشوفي لما احمد ينزل السعودية كان مايجيب هدية لأحد غير شهد وترى شهد كان احمد يعجبها



خلود >> طيب ليش شهد ماقالت لي



نكمل الباقي في البارت الجاي انتظروني ^ــــــــ^