ميرو هيرو والقطه الدرتي

صباجكم اكسبرسو 0
تسمحولي احكي حكايه بس عشان خاطري اقراوا ما بين السطور وليس النص المستور
نرجع للحكايه ميرو هيرو ديه بنتي (ومحدش يقول القرد في عين امه ) وديه طبعا غير ميرو الجامد (وان كانت برضه في مقام بنتي ها ها ها ها ها ها ) قبل ما تيجي للدنيا وعرفت انها بنت قررت اني لا ادخر جهد عشان اخليها اوت استندر 0 وفعلا تبارك الخلاق فيما رزق وتعبت اوي في تربيتها ولما بقيت سنه وعشر شهور بقت حاجه فرانكواراب اخدت من كل فيلم اللقطه الحلوه وعلمتهلها وفي يوم في ذاك الزمان كانت زهقانه ( للعلم لما نفسيتها مكانتش بتبقي مظبوطه بوديها تغير جو يومين ثلاثه ماعلينا ) وكانت الست اللي بتنضف بقلها اسبوع مجاتش فمراتي تقمصت شخصيه الست وقلبت البيت فقلتلها انا هاخد ميرو وانزل امشيها شويه (المفروض ان بيتي في حتي نظيفه ) قلت لسه هطلع العربيه من الجراج انا امشيها شويه في الحته وخلاص
فكان فيه ارض فاضيه حوليها سور فيه حتي مكسوره شافت هي جوي شويه زباله ( هي متعوده الرابش في "البسطط" الباسكت يعني ) لقيتها بتقول لي بابي مين رمي الرابش في الارض لاقيت قدامي قطه معديه ( لا بيها ولا عليها) قلتلها القطه ديه معندهاش باسكت فرمتها هنا كلمه القطه وقالت لها اخص عليكي قطه درتي رميتي الرابش في الارض وكان في ايدها كلينكس راسها والف توز ( شوز يعني) ترميه في الباسكت بتاع القطه وبزلنا مجهود ننسيها الحادثه ومرت سنين وكبرت حبيبه بابي وبقت في كي جي وان عقبال عندكم جميعا ورجعت في يوم تقلي بابي انا عرفت ان اللي بيرمي الرابش في الارض صحابي واحنا كنا ظالمين القطه اه يا قلبي اللي بنيته في سنين تهده القطه في يوم وديلوقتي ميرو مشاء الله بقت بتقول زباله مش رابش معنهافي مدارس فرنساوي اعمل ايه اكثر من كده 0
من الواضح اني دوشتكم بس ارجوا اكون عرفت اوصلكم الفكره 0 حد فاهم حاجه 0 اسيبكم قبل متزهقم مني واروح انام باي احلي واعظم صحاب

من الواضح ان القطه مش عاجباكم ولا تكون ميرو
طبعا القصه ديه مش عشان لا ميرو ولا القطه
المقصود ابعد من كده
حد فاهم حاجه
و لا اشاور يمكن اساعد
ان الله لا يغير ما بقوم حتي يغيروا ما بانفسهم

ياناس عليها ربنا يخليهالك

ادعيلي اتجوز واجيب زيها

علي فكرة انا مفهمتش ممكن توضح

شكرا

الصفحه منوره بوجود الست المديره
بصي ياستي الاول انا مش فاهم قصدك يخليلي مين ميرو هيرو ولا ميرو الجامد ( ما الاثنين معزه واحده )
ثانيا ربنا يرزقكك بزوج يحبك زي انا مبحب مراتي (ربنا يدمها علي نعمه )
وزي ماسمو الاميره والحنونه ومراتي مابيحبوا جوازهم تحبيه (ده يحصل الاول وبعدين الاولاد)

نرجع لموضعنا الاصلي0
زمان علمونا عشان منعلا منعلا لازم نطاطي نطاطي
لاكن ده طبعا غلط ولازم بما اننا منتدي جامد نحاول نغير الواقع
بس احنا مش اقويه للدرجه ديه
يبقي اضعف الايمان نبدا بانفسنا كل واحد يحاول يعلي بس من غير مايطاطي
يحاول يتحول للاحسن ويحول اللي حوليه
وبكده بعد وقت(طويل قصير مش مهم )
هنرجع تاني كبار ونبقي احسن ناس


وبعدين تعالي هنا تتجوزي وتسيبينا لمين
نعيش ازاي من غير مدير عام
ده كده النظام يبوظ
ولو ضروري موضوع الزواج ده
كلمي مراتي او الحنونه او سموالاميره (واللي توافق علي المشاركه يبختها "هي وجوزها طبعا")
وانت عارفه ان يد الله مع الجماعه

يا جماعه انا عايز احذف المشاركه ديه شكلها كده مش عاجباكم

يناس ايه الحكايه ليه كله عايز ياكلها بالساهل محدش عايز يشغل مخه ويفكر ليه