|
|
 |
 |
| المواضيع الأخيرة ..{ | ||||
 |
 |
 |
 |
 |
ركن أزياء و موضة |
الزامل |
غرام |
روابط مفيدة : استرجاع كلمة المرور| طلب كود تفعيل العضوية | تفعيل العضوية
|
| اشتراك في انتي احلي |
| زيارة هذه المجموعة |
|
|
|
|
|||||||
|
|
|
 |
|
|
LinkBack | أدوات الموضوع | طرق مشاهدة الموضوع |
|
|
|
11-20-2007, 11:10 PM
|
#1 |
|
خذاني الموت ... الجزء السادس
................................ نوره قاعده بالصاله تكلم بالتلفون .. وأمل طالعه من المطبخ بعد ما خلصت تنظيف .. نوره : مع السلامه يا أم مبارك ولا تقاطعينا ...... وتسكر .. نوره : هيه أنتي وين رايحه ؟؟ أمل : طالعه لغرفتي استريح شوي بعد ما خلصت تنظيف المطبخ . نوره : روحي نظفي المجلس . أمل : توني منظفته قبل المطبخ . نوره : أنا قلت لك روحي نظفيه . أمل : ان شاء الله . ودخلت امل المجلس وبدت بالتنظيف وما كانت تدري ان صديق حمد داخل الحمام وحمد راح يجيب شريط الديفيدي عشان يشوفونه ... وامل قاعده تنظف يطلع طلال من الحمام وامل ما انتبهت له لانها كانت شوي وتبكي من التعب .. ويدخل حمد : أمل ايش تسوين ؟؟ امل : قاعده انظف ..!! وبها اللحظه رجع طلال داخل الحمام عشان حمد ما يشوفه .. حمد : مين قالك يالااا أطلعي صديقي موجود . امل : وأنا ايش دراني عمتي قالت روحي نظفي المجلس .. حمد : أوكي ... أنت أطلعي اللحين ... اما في الحمام ... طلال حس باحساس غريب ما يدري ايش هو .. .. .. .. في المول ... عبير وجمانه يتسوقون من محل لمحل وناصر كان يمشي وراهم (( ناصر كان واحد من اصحاب جمانه )) عبير : جمانه أمسكي العله اللي ورانا والا والله لو احد شافنا ما راح يحصل لنا خير جمانه : ايش تبغين اسوي له قلت له انا ما عاد احبك عندي حبي الجديد احمد عبير : هيه انتي والله فاضيه كل يوم حب جديد من عبد الرحمن لراشد لفيصل لجاسم لناصر واللحين أحمد وبكرا الله العالم مين .. صيري مثلي حبي مرتين في السنه واحد للصيف و واحد للشتاء جمانه و عبير : ههههههههه .. .. .. وبعد ما خلص طلال سهر من عند حمد وهو في السياره لاشعوريا شغل اغنيه الجسمي .. أبتدي يا حب وارسم في سما هالليله قلبين وقعد يفكر طلال : ايش فيني من شفت البنت احس نفسي مو طبيعي .. وبعدين شده بيت في الاغنيه او يجي ذكراه يوقف انا سعيد ارسم اثنين اكتب الاسمين لكن حطهم في قلب واحد وسكر المسجل وقعد يردد البيت الاخير .. اكتب الاسمين لكن .. حطهم في قلب واحد * طــــــــــ أمل ــــــــــــلال * .. .. .. في المول ... عبير : انت يالحبيب ان ما احترمت نفسك ومشيت والا والله لاجمع عليك الناس ناصر : ياويلي الحقوا خرعتني جمانه : انت ايش فيك ما تفهم ؟؟ ناصر : لا ... أنا ما افهم الا منك جمانه : وانا قلت لك روح في حال سبيلك انا ما عاااد احبك (( أنقلع )) ناصر : أووووووف أووووووف هذا الكلام لي يا جمانه ..!! جمانه : لا للي وراك ناصر : ما تحبيني يا جمانه .. ok أنا بعلمك كيف تحبيني .. جمانه : ويه طس ناصر : نهايتك على يدي وبتشوفين جمانه : أعلى ما في خيلك اركبه وتسحبها عبير ويروحون المقهى ولا كأن شي صار .. جمانه : آه الحقير رفع لي ضغطي عبير : خلاص فكيها من سيره ... رووقي .. .. .. في بيت أمينه ...... امينه : اي اي اي اي يا صالح امانتك فك يدي عورتني صالح : أنا كم مره اقولك اذا كنت نايم لا تطلعون اصوات وتصحوني امينه : حرام عليك هذولا عيالنا وبعدين هم صغار اكيد بيسوون ازعاج ما يفهمون صالح : أشوف لسانك طال ياحرمه وسحبها ورماها على ارضيه الصاله بقووه وقعد يضربهااا ويسبهااا صالح : تفوووه عليك وطلع برا البيت وسكر الباب بقووه امينه وهي تبكي : آه هذي حوبه امل .. يا رب سامحني على اللي كنت اسويه فيها .. امل سامحيني يا امل بها الوقت امل كانت بغرفتها بالسطح .. كانت تسمع المسجل وتلعب بخصل من شعرهاا .. شعرها كان ناعم وبني وطوله لكتفها .. .. .. .. في غرفه البنات .. كانوا مشغلين انارات خفيفه مره على اساس انهم بينامون .. عبير : جمانه .. انتي نايمه .. جمانه : لا .. ويعني اذا كنت نايمه برد عليك وبقول ايوه عبير : لا تقعدين تستهبلين .. جمانه : خلاص بطلنا استهبال .. ايش بغيتي ؟؟ عبير : تتوقعين ناصر صادق بتهديده لك !! جمانه : طبعا لا أصلا ناصر اقوله روح يمين يروح وتعال شمال راح واذا قلت له قط نفسك بالنار ما استبعد يسويها عبير : اقول فكينا من كلام المسلسلات اتكلم بجد انا .. جمانه : وانا اكلمك بجد ناصر يموت على الارض اللي أمشي عليها ومستحيل يسوي فيني شي عبير : بس شكله صادق بكلامه جمانه : اللي يحب عمره مايضر حبيبه عبير : اي حب واي خرابيط اللي قاعده تتكلمين عنها جمانه : أقول أسكتي بس ومن أصبح افلح في الصبح ..... الكل قاعد على طاوله الفطور يرن التلفون .. تقوم نوره ترد .. نوره : الوووو المتصل : ....... نوره : الوووو المتصل : ....... نوره : رد ياللي ما تستحي عبير تضرب رجلها برجل جمانه وتقول : بدا الفار يلعب بذيله جمانه : القطو ما راح يعطيه فرصه عبير : ما خذه الامور بكل بساطه وكأن الامر ما يهمك . جمانه : أصلا هو ما يعرف رقم البيت نوره وهي راجعه تجلس : ايش فيكم .. تتساسرون سمعونا عبير : لالالالا ولا شي بس اكلمها عن احداث المسلسل اللي نتابعه جمانه : اي صح يمه نسيت اقول لك اليوم انا مسويه حفله مع صديقاتي وابغى فلوس نوره : اصلا انتي حفلاتك ما تخلص جمانه : بس اليوم غير ... اليوم عيد ميلادي نوره : خلصيني كم تبغين ؟؟ جمانه : ألفين عشان الكوافير وثلاثه عشان القاعه وألف وخمس ميه عشان الدي جي وخمس ميه عشان الكيكه. نوره : خلاص يعني كم ؟؟ جمانه : سبعه او ثمانيه واذا انتي كريمه تسعه عبير : وانا يمه لاتنسيني نوره : وانتي كم تبغين ؟؟ عبير : لا انا بس حق لبس وكوافير . نوره : انا ايش فهمني بهالسوالف يعني كم ؟؟ عبير : ثلاثه ألاف .. .. .. في قاعه الحفلات .... الكل مستانس .. ((جمانه كانت لابسه فستان اسوريه قصير احمر وفاتحه شعرها أما عبير كانت لابسه فستان أسود طويل ورافعه شعرها بتووك كرستال )) العنود : ألف الف مبرووك وعقبال ميه مليون سنه جمانه : لالالالالالالالالا يا شيخه حرام عليك ميه سنه ويالله نبلعها عاد ميه مليون كيف بيصير شكلي العنود وباقي البنات : ههههههههههههههههههه فجر : يالااا يا بنات خلونا نرقص وتسحب عبير ويروحون يرقصون جمانه كانت كانت مستانسه هذي تبارك لها وهذي تعطيها هديه وهذي تمدح في شكلها وقصتها وصبغتا الجديده الا تلمح جمانه بوكيه ورد أحمر كبير عند مدحل القاعه راحت مستانسه عشان تشوف مين اهداها اياه الا تشوف جنبه دبدوب احمر كبيييير شالت بوكيه الورد وهي قاعده تدور بطاقه او اي شي يوصلها لمرسل الهديه يطيح من على البوكيه ثلاث صور الا المفاجأه ..... طلعت صورهاا .... ووراها مكتوب (( مفاجأه رقم 2 والجاي أعظم اصبري علي شوي تحياتي N )) تجي العنود : الله الله مين اللي مهديك هالورد ؟؟ خبت جمانه الصور تحت يدها وشالت الدبدوب فوقها العنود : لا وبعد دبدوب .. تصدقين مناسب فستانك هههههههه لا عاد مين جابه لك ؟؟ جمانه : هذا هذا هذا أخوي حمد العنود : تصدقين اخوك هذا ذوييق جمانه : تعالي خلينا نروح عند البنات .. .. .. في البيت ..... عبير : جمانه جمانه : نعم !! عبير : ما لاحظتي انك في اخر الحفله صرتي مو طبيعيه !! جمانه : لا ما فيني شي بس حسيت بتعب شوي عبير : غريبه ؟؟ جمانه : يعني حرام الواحد يتعب شوي عبير : لا مو حرام ولا شي سلامتك بس انا اختك وأعرفك زين انتي ما كنتي تعبانه انتي فيك شي جمانه : خلاص ما قلنا تعبانه يعني لازم نجيب أدله وتروح لسريرها وتغطي وجهها وقعدت تبكي .. .......................... * ايش بيصير بين طلال وأمل .. وهل العلاقه بتطور بينهم ؟؟ * هل جمانه ندمت على طيشها فعلا ..؟؟ وهل بتصارح أختها عبيرباللي صار ولا بتلزم الصمت ؟؟!! * ناصر بيظل يهدد جمانه ولا بيتذكر الايام الحلوه اللي كانت بينهم وبيتندم ويعتذر لها ؟؟؟!!!!! *** كل هذا رااح نعرفه في البارت القادم وبيكون الاخير ***
|
|
|
|
|
|
|
|
|
|
|
11-20-2007, 11:33 PM
|
#2 |
|
رد: خذاني الموت ... الجزء السادس
[center]
عفوا لايمكنك رؤية الروابط الا بعد التسجيل اذا كنت زائرا او الرد اذا كنت من الاعضاء للحفاظ على حقوق [ [ |
|
|
|
|
|
|
|
| Bookmarks |
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
الأعضاء الذين قرأو الموضوع :- 2
|
|
| AL-DLoOo3H, one love123 |
| أدوات الموضوع | |
| طرق مشاهدة الموضوع | |
|
|
 |
العرض العادي
